കൊച്ചി: കേരള ഹൈക്കോടതിയിലെ അഡീഷണൽ ജഡ്ജിയായി അഡ്വ. എ.കെ. പ്രീത (പ്രീത അരവിന്ദൻ കൃഷ്ണമ്മ) സത്യപ്രതിജ്ഞ ചെയ്ത് അധികാരമേറ്റു. ഹൈക്കോടതി ഓഡിറ്റോറിയത്തിൽ നടന്ന ചടങ്ങിൽ ചീഫ് ജസ്റ്റിസ് സൗമെൻ സെൻ സത്യവാചകം ചൊല്ലിക്കൊടുത്തു.കേന്ദ്ര സർക്കാർ കഴിഞ്ഞ വെള്ളിയാഴ്ചയാണ് (ഏപ്രിൽ 24) എ.കെ. പ്രീതയെ അഡീഷണൽ ജഡ്ജിയായി നിയമിച്ചുകൊണ്ടുള്ള വിജ്ഞാപനം പുറപ്പെടുവിച്ചത്. ഏപ്രിൽ 14-ന് സുപ്രീം കോടതി കൊളീജിയം നൽകിയ ശുപാർശ രാഷ്ട്രപതി അംഗീകരിക്കുകയായിരുന്നു.
കൊല്ലം സ്വദേശിയായ എ.കെ. പ്രീത, അന്തരിച്ച അഭിഭാഷകൻ ബി.ആർ. അരവിന്ദൻ നായരുടെയും കൃഷ്ണമ്മയുടെയും മകളാണ്.