സമത്വം ന്യൂസ്: പട്‌ന ഹൈക്കോടതിയിലേക്ക് ഏഴ് പുതിയ ജഡ്ജിമാരെ നിയമിച്ചുകൊണ്ട് കേന്ദ്ര സർക്കാർ ഉത്തരവിറക്കി. ജൂൺ 10 വെള്ളിയാഴ്ചയാണ് ഇത് സംബന്ധിച്ച ഔദ്യോഗിക വിജ്ഞാപനം പുറപ്പെടുവിച്ചത്. പുതിയ നിയമനങ്ങളിൽ മൂന്ന് പേരെ സ്ഥിരം ജഡ്ജിമാരായും നാല് പേരെ അഡീഷണൽ ജഡ്ജിമാരായുമാണ് നിയമിച്ചിരിക്കുന്നത്. അഭിഭാഷകരായ രഞ്ജൻ കുമാർ ഝാ, കുമാർ മനീഷ്, രാജ് കുമാർ എന്നിവരാണ് പട്ന ഹൈക്കോടതിയിലെ പുതിയ സ്ഥിരം ജഡ്ജിമാർ. ഇതിനുപുറമേ, അഭിഭാഷകരായ റാണ വിക്രം സിംഗ്, വികാസ് കുമാർ, ഗിരിജിഷ് കുമാർ, അലോക് കുമാർ എന്നിവരെ അഡീഷണൽ ജഡ്ജിമാരായും നിയമിച്ചതായി കേന്ദ്ര സർക്കാരിന്റെ വിജ്ഞാപനത്തിൽ വ്യക്തമാക്കുന്നു. ഹൈക്കോടതിയിലെ കേസ് നടത്തിപ്പുകൾ കൂടുതൽ വേഗത്തിലാക്കാൻ ഈ പുതിയ നിയമനങ്ങൾ സഹായകരമാകും.