കൊച്ചി: കേരള ഹൈക്കോടതി മുൻ ജഡ്ജിയും കൊച്ചിയിലെ നാഷണൽ യൂണിവേഴ്സിറ്റി ഓഫ് അഡ്വാൻസ്ഡ് ലീഗൽ സ്റ്റഡീസിൻ്റെ (NUALS) ആക്ടിങ് വൈസ് ചാൻസലറുമായിരുന്ന ജസ്റ്റിസ് എസ്. സിരി ജഗൻ അന്തരിച്ചു. മൂന്ന് ആഴ്ചയായി കൊച്ചിയിലെ സ്വകാര്യ ആശുപത്രിയിൽ ചികിത്സയിലായിരുന്നു. കൊല്ലം മയ്യനാട് സ്വദേശിയാണ്.

2005 മുതൽ 2014വരെയായിരുന്നു അദ്ദേഹം കേരളാ ഹൈക്കോടതി ജഡ്‌ജിയായിരുന്നത്. ഈ കാലയളവിൽ നിരവധി പൊതുതാത്പര്യ വിഷയങ്ങളിൽ അദ്ദേഹം സ്വമേധയ കേസെടുത്തിരുന്നു. വിരമിച്ച ശേഷവും വിവിധ സുപ്രധാന സമിതികളിലും അദ്ദേഹം നേതൃപരമായ പങ്ക് വഹിച്ചിരുന്നു. തെരുവുനായ പ്രശ്‌നത്തിൽ നഷ്‌ടപരിഹാരം സംബന്ധിച്ച് സുപ്രീം കോടതി നിയോഗിച്ച കമ്മറ്റിയുടെ അടക്കം അധ്യക്ഷനായിരുന്നു അദ്ദേഹം. കേരള ഹൈക്കോടതി നിയമിച്ച ശബരിമല ഹൈ പവർ കമ്മിറ്റിയുടെ ചെയർമാനായും അദ്ദേഹം പ്രവർത്തിച്ചിട്ടുണ്ട്